Təhsil Nazirliyi biganədir

Azyaşlılar arasında pornosaytlara maraq göstərənlərin sayı artıb. Lakin Təhsil Nazirliyi də daxil olmaqla əlaqədar qurumlar tədbir görməyə tələsmir. Uşaq Hüquqları üzrə QHT Alyansı pornosaytların rəsmi qadağan olunması təklifilə çıxış edib. Alyansın milli əlaqələndiricisi Nabil Seyidov "OLAYLAR"a bildirib ki, bu sahədə İran, Çin və ya ərəb ölkələrinin təcrübəsindən yararlanmaq olar. Belə ki, artıq əksər ölkələrdə porno saytlara dövlət miqyasında məhdudiyyətlər qoyulub: "Mobil telefonlar vasitəsilə görüntülərin yayılmasının qarşısını almaq çətindir. Lakin internet vasitəsilə tədbirlər mümkündür". N.Seyidov deyib ki, İnternet və mobil telefonlar vasitəsilə pornosaytların yayılmasının qarşısını almaq məqsədilə təkliflər hazırlanaraq Ailə, Qadın və Uşaq Komitəsinə, Nazirlər Kabinetinə təqdim olunub: "Layihə hazırlanıb və sənəddə pornosaytlarla bağlı konkret təkliflər verilib. Lakin məsələnin əhəmiyyətinə hələ də önəm verilmir. Bu sahədə məktəblərdə saytlara girişin qarşısının alınması və valideynlərin məlumatlandırılması ilə iş tamamlanmır. Əksər valideynlər kompüterdən istifadəni bilmədiyi halda uşaqlarının sayta girişini necə əngəlləyə bilərğ" Azərbaycanın uşaq hüquqları ilə bağlı konvensiyaya qoşulduğunu xatıladan N.Seyidov indiyədək uşaqlarla bağlı alternativ hesabatın hazırlanmadığını qeyd edib.