Qanun pozuntusuna yol verənlər cəzalandırılacaq İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti Bakıda keçirdikləri monitorinqlər zamanı ticarət şəbəkələrindən aşkar etdikləri saxta və keyfiyyətsiz məhsulları məhv edib. Bu barədə məlumatı "OLAYLAR"a İqtisadi İnkişaf Nazirliyindən veriblər. Məlumata görə, xidmət əməkdaşlarının keçirdikləri monitorinqlər zamanı Bakının Binəqədi rayonu, Binəqədi qəsəbəsndə "Venera" MMC-yə məxsus anbarda, Yasamalda, Nərimanov prospekti 522-ci məhəllə, ev 2 ünvanında Namiq Eynəliyevə məxsus mağazada, H. Məcidov küçəsi 7-də Mirsahib Cəfərova məxsus mağazada, B. Bağırova küçəsi 5, mənzil 2-də "Aygün mini market"də, H. Cavid prospekti, 549-cu məhhəllə 91, mənzil 16-da Dəyanət İsayevə məxsus mağazada, M.Rahim küçəsi 22-də Nazim Osmanlıya məxsus mağazada, Ş. Əzizbəyov küçəsi, ev Q, mənzil 1-də Elbrus Nəsirova məxsus "Kazbek market"də ümumi çəkisi 10 tona yaxın olan saxlama müddəti ötmüş, mənşəyi məlumolmayan və üzərində istehsal tarixi göstərilməyən ərzaq məhsulları, o cümlədən kolbasa və qənnadı məhsulları, yağlar, süd məhsulları, pivə, meyvə şirələri, sular, çay, kofe və s. aşkar olunub və satışdan çıxarılaraq məhv edilmişdi. Nazirlikdən bildirilib ki, qanun pozuntusuna yol vermiş şəxslər barədə İnzibati Xətalar Məcəlləsinə müvafiq tədbirlər görüləcək.
|
|
Əvvəlki xəbər
Rəy bildirilməyib
Bənzər Xəbərlər
