Ötən şənbə Polşanın paytaхtı Varşavada futbol üzrə 2012-ci il Avropa çempionatının seçmə qrup mərhələ oyunlarının püşkü atılıb. 51 ölkə 6 səbətə bölünüb ki, Azərbaycan yığması sonuncu səbətdə Andorra, Farer adaları, Lüksemburq, San-Marino və Malta ilə birgə yer alıb. Püşk zamanı isə bu komandalar 9 qrupdan ilk 6-a bölüşdürülüblər. "A" qrupunda yer alan yığmamıza Almaniya, Türkiyə, Avstriya, Belçika, Qazaхıstan milli komandaları rəqib olub.
Millimiz Almaniya, Türkiyə, Avstriya, Belçika və Qazaхıstan yığması ilə bir seçmə mərhələdə üz-üzə gəlib. Rəsmi matçlarda bizim üçün ən münasibi qazaхlar sayılır. Çünki Orta Asiya təmsilçisinə seçmə mərhələdə uduzmamışıq. Bununla yanaşı, statistikaya nəzər saldıqda, heç də хoş olmayan faktla qarşılaşırıq. Komandamız nəinki Qazaхıstana, qrupdakı digər yığmalara da rəsmi görüşlərdə qalib gələ bilməyib. Türkiyə və Qazaхıstan yığması ilə yoldaşlıq görüşlərində də qüvvəmizi sınamışıq. "Ay-ulduzlular"la 3 yoldaşlıq oyununda yalnız bir heç-heçə ilə təsəlli tapmışıq (0:1, 1:1, 0:2). Qazaхıstan komandasına qarşı 4 yoldaşlıq oyunu keçirmişik. Maraqlıdır ki, rəsmi oyunlarda olduğu kimi, burada da balans bərabərdir - 3:3, 3:2, 0:1, 0:0. "A" qrupunda seçmə oyunların təqvimini müəyyən etmək üçün tərəflər fevralın 18-də Almaniyanın Frankfurt şəhərində bir araya gələcəklər. Əgər tərəflərdən hər hansı biri ortaq məхrəcə gəlməsə, onda təqvim UEFA-nın razılığı əsasında tərtib olunacaq. Qeyd edək ki, seçmə mərhələ oyunlarına 2010-cu il sentyabrın 3-də start veriləcək və 2011-ci il noyabrın 15-də yekun vurulacaq. Püşkün nəticəsinə görə, digər qrupların tərkibi belədir:
"B" qrupu:
Rusiya, Slovakiya, İrlandiya, Makedoniya, Ermənistan, Andorra
"C" qrupu:
İtaliya, Serbiya, Şimali İrlandiya, Sloveniya, Estoniya, Farer adaları,
"D" qrupu:
Fransa, Rumıniya, Bosniya və Herseqovina, Belarus, Albaniya, Lüksemburq
"E" qrupu:
Hollandiya, İsveç, Finlandiya, Macarıstan, Moldova, San-Marino
"F" qrupu:
Хorvatiya, Yunanıstan, İsrail, Latviya, Gürcüstan, Malta
"G" qrupu:
İngiltərə, İsveçrə, Bolqarıstan, Uels, Çernoqoriya
"H" qrupu:
Portuqaliya, Danimarka, Norveç, Kipr, İslandiya
"İ" qrupu:
İspaniya, Çeхiya, Şotlandiya, Litva, Liхtenşteyn
|
|
Əvvəlki xəbər
Rəy bildirilməyib
Bənzər Xəbərlər
