Dünya Bankı Azərbaycana 450 milyon kredit ayıracaq
Son illər dəmir yolu xəttlərinə buraxılan qatarlarda sərnişinlərin rahat gedib-gəlməsi üçün yüksək səviyyədə şərait yaradılıb. Məsələn Bakı-Mingəçevir qatarlarının vaqonlarında sərnişin mənzil başına çıtana kimi rahat kreslolarda əyləşir, 6-7 saatlıq yol boyunca televiziyaya tamaşa edir, çayla təmin olunurlar. Qatarın sanitar vəziyyəti və digər xidmətləri də yüksək səviyyədədir. Onu da deyək ki, buradakı kresloların düzümü mənzili xatırladır. Bakı-Gəncə qatarlarının vaqonlarında salon avtobus tipli olsada xidmət 90-cı illərlə müqayisədə xeyli yaxşılaşıb. Ancaq bütün bunlara baxmayaraq hələ də sərnişinlərin daşınması istiqamətində dəmir yolunda göstərilən xidmətin səviyyəsi bəzi inkişaf etmiş xarici ölkələrlə müqayisədə xeyli geridədir. Burada əsas problem isə qatarların sürətinin az olmasıdır. Son vaxtlar ölkəmizdə də xarici olkələrin təcrübəsinə əsaslanaraq sürət qatarlarının gətirələcəyi ilə bağlı məsələ gündəmə gətirildi. Ancaq nədənsə sonradan bu məsələyənin nə vaxt reallaşdırılacağı ilə bağlı məlumat verilmədi. Məsələylə bağlı məlumat almaq üçün Dəmir Yolu İdarəsinin mətbuat xidmətrinin rəhbəri Nadir Əzməmmədova müraciət etdik. Qurumun sözçüsü ölkəyə sürət qatarlarının gətirilməsi məsələsinin diqqətdə olduğunu ancaq maliyyə problemi üzündəndən hələlik reallaşmanın mümkün olmadığını dedi: "Gələcəkdə Bakı-Böyük Kəsik-Bakı dəmir yolu xətti ilə sürət qatarları xəttinin çəkiləcəyi planlaşdırılır. Bunun üçün sözügedən istiqamətdə dəmir yolu xəttinin açılışı də nəzərdə tutulub. Qeyd edim ki, artıq bu ideyanın reallaşdırılması üçün paytaxtda koreyalı mütəxəssislər dəvət olunublar. Onlar ölkənin dəmir yolu xətlərinin vəziyyəti ilə tanış olduqdan sonra, bildirdilər ki, yüksək sürət qatarlarının işini reallaşdırmaq üçün ilk növbədə ölkə ərazisində yeni dəmir yolu xətlərinin salınmasına ehtiyac var. Bu işlərin həyata keçirilməsi üçün isə Dünya Bankı Azərbaycana 450 millyon dollar həcmində kredit ayıracağı ilə bağlı razılaşması əldə olunub. Həmin vəsait hesabına 240 km uzunluğu olan dəmir yolu xəttinin tikintisi nəzərdə tutulub. Bununla yanaşı yeni lokomativlər alınacaq, siqnalizasiya, enerji sistemi quraşdırılacaq. Qeyd edim ki, hazırda sərnişin qatarlarının sürət xətti saatda 100 kilometr təşkil edirsə, sözügedən layihə həyata keçiriləcəndən sonra sürət həddi saatda 120-150 kilometə çatacaq. Nəticədə sürət qatarları xəttə buraxılandan sonra məsələn Gəncədən sərnişində Bakıya və oradan geriyə cəmi 4-5 saata gedib-gələ biləcəklər. İndi isə təkcə Kəncədən Bakıya 6-7 saata çatmaq mümkündür". N.Əzməmmədov sözügedən layihəninin nə vaxt reallaşdırılma vaxtının dəqiq məlum olmadığını da dedi: "Hələlik Beynəlxalq Bank tərəfindən kredit üçün nəzərdə tutulun vəsait ayrılmayıb. Pul ayrılandan sonra bu barədə dəqiq məlumat vermək mümkün olacaq və bu istiqamətdə işlərə başlanılacaq". ("OLAYLAR"İA)
Xəbər Məlumatları
Rəy Bildir
Rəylər
Xəbər Başlığı :
Dünya Bankı Azərbaycana 450 milyon kredit ayıracaq
Yazılma Tarixi :
09.02.2010
Xəbər Etiketləri :
Dunya Banki
Oxunma Sayı :
447
Rəy bildirilməyib
Bənzər Xəbərlər
Batmış əmanətləri necə qaytarmaq olar ?
Rusiya Azərbaycanı taxıl faktoru ilə sıxmaq istəyir?
Unun bahalaşmasının səbəbi nədir?
Evlərin qiyməti bahalaşacaq?
Banklardakı 1 milyard dollara yaxın əmanət sığortalanmayıb
Əvvəlki xəbər
Rəy bildirilməyib
Bənzər Xəbərlər
