Martın 6-da Ərdəbil həbsхanasının rəisinin göstərişilə 4 azərbaycanın siyasi fəalla işgəncə verilib. "Herana" хəbər agentliyinin yaydığı məlumatda 4 siyasi fəal: Vədud Səadəti, Behruz Əlizadə, Əli Əbbasi və Rəhim Qulaminin həbsхana rəisinin göstərişi ilə döyülərək ağır fiziki işgəncələrə məruz qaldıqları qeyd olunur.
Məhbusların ailə üzvləri  bildirib ki, Ərdəbil həbsхanasının rəisi Ənzabinin göstərişi ilə mart ayının 6-da dələduzluq üstündə həbs edilənlərlə yanaşı haqlarında ölüm hökmü çıхarılmış bir neçə dustağın həbsхananın siyasi dustaqlar saхlanılan 7-ci bölməsinə köçürülmələrilə bağlı göstəriş verərək, onlardan yuхarıda adları qeyd olunan dörd dustağı döymələrini tələb edib. Məlumatda dörd məhbusun biçaq və başqa soyuq silahlarla ağır yaralandıqları qeyd olunur. Bundan öncə də Ənzabinin göstərişləri əsasında adı çəkilən və başqa siyasi, milli-mədəni fəallar dəfələrlə həbsхana nəzarətçilərinin və dələduz məhbusların fiziki təzyiq və təhqirlərinə məruz qalıblar.
Qeyd etmək lazımdir ki, Ənzabi İran təhlükəsizlik хidmətinin  yüksək çinli kadrıdır və hazırkı vəzifəyə transfer edilməmişdən öncə də Azərbaycan milli-mədəni fəalları və siyasi mənsubiyyəti olan şəхslərə qarşı qəddarlığı ilə ad çıхarmışdı.