Həmsədrlər Ermənistandan cavab gözləyir

ATƏT-in Minsk Qrupunun həmsədrləri ilə Azərbaycan və Ermənistan xarici işlər nazirlərinin görüşünün nəticəsi hələ açıqlanmayıb. "OLAYLAR"ın məlumatına görə, bunu jurnalistlərə açıqlamasında xarici işlər naziri Elmar Məmmədyarov deyib. Onun sözlərinə görə, görüşün nəticəsi barədə həmsədrlər hər iki tərəfə məlumat verəcək: "Görüş hələ təzə qurtarıb. Nəticə barədə mənə məlumat verilməyib. Mən Parisdə olanda Fransa tərəfi ilə əlaqə saxladım, bildirdilər ki, hələ nəticələr bəlli deyil. Bu günə qədər hələlik Azərbaycana nəticələr barədə məlumat verilməyib. Hələlik gözləyirik. Nəticələr məlum olandan sonra bu barədə mətbuata açıqlama veriləcək. Bu günə olan məlumata görə, artıq Fransa prezidenti Nikola Sarkozi ilə Ermənistan prezidenti Serj Sarkisyan arasında görüş olub. Fransa prezidenti təsdiq edib ki, rəhbərlik etdiyi ölkə həmsədr kimi yeni yazılan Madrid prinsiplərinə dəstək verir. Görək Ermənistan tərəfindən hansı xəbər gələcək".