Artıq Britaniya Müdafiə Nazirliyi müsəlmanlardan üzr istəyib

İngiltərə ordusunun əsgərləri atış təlimlərində məscid formalı hədəf taxtalarından istifadə ediblər. Bu barədə məlumatı "İndependent" qəzeti yazıb. Məlumata görə, Şimali Yorkşir bölgəsində Əfqanıstandakı hərbi əməliyyatlar üçün təlim keçən ingilis əsgərləri hərbi poliqonlardan birində məscidə bənzər, yaşıl gümbəzli hədəf taxtalarından istifadə ediblər. Bu isə ölkədəki müsəlman toplumun və dərnəklərin etirazına səbəb olub. "The Bradford Council for Mosques" (BCM) adlı müsəlman dərnəyinin nümayəndəsi İştiak Əhməd "müsəlman ictimaiyyəti ilə ordu arasındakı münasibətlər bu an üçün o qədər də yaxşı deyil. Ordunun etdiyi hərəkət yolverilməzdir. Bu, məscidlərin potensial təhlükə olduğuna inanılması barədə təəsürat yaradır. İngilis ordusu məscidləri hədəf taxtası olaraq istifadə etməklə əsgərlərə yalnış mesajlar verir", deyə qəzetə açıqlamasında bildirib. İngilis ordusunun sözşüsü məsələ ilə bağlı müsəlman toplumunda narahatlıq yaratdıqları üçün üzr istəyib. "Bizim hədəf taxtalarının məscidə bənzətmək kimi bir məqsədimiz yox idi. Sadəcə əsgərlərimizə təlim üçün əməliyyat şəraiti yaratmaq istəyirdik", deyə sözçü bildirib. Məlumata görə, BCM hədəf taxtalarının ən qısa zamanda yığışdırılması üçün Müdafiə Nazirliyinə müraciət edəcək. "Daily Mirror" qəzeti isə poliqonda 7 ədəd belə taxta olduğunu yazıb. Müsəlmanlara bu barədə məlumatı isə poliqonun yaxınlığından keçən bir nəfərin məlumat verdiyi bildirilir.ans Qəzetdə dərc edilən məlumata görə, Müdafiə Nazirliyi öncə üzr istəmək və taxtaları yığışdırmaq niyyətində olmayıb. Ancaq daha sonra yaranmış narahatlıqla bağlı üzr istənilib və məsələ ilə bağlı müsəlman toplumunun nümayəndələri ilə görüş keçiriləcəyi bildirilib.