Musa Ağayev: "Sovet dövründə də bu cür məhkəmə mühiti yox idi"

Ölkədə müstəqil məhkəmə sistemi olmadığından ayrı-ayrı partiyaların məhkəmələr qarşısında qaldırdığı iddia təmin edilmir. Belə bir açıqlama ilə Yeni Zaman Partiyasının sədri Musa Ağayev çıxış edib. YZP sədri "OLAYLAR"a bildirib ki, məhkəmələr Ədliyyə Nazirliyindən qorxduğundan nazirliyin əleyhinə heç bir qərar çıxarmır: "Bu cür tendensiya hakimiyyətin özünə də ziyandır. Hüquq işləməyən ölkələrdə cəmiyyətin yaşaması çətindir. Heç Sovet dövründə də bu cür məhkəmə mühiti yox idi". Musa Ağayevin sözlərinə görə, məhkəmələr müstəqil olsaydı, rəhbərlik etdiyi partiyanın Ədliyyə Nazirliyinə qarşı qaldırdığı iddia təmin olunardı.