Korrupsiyaya qarşı mübarizə məqsədilə
Orta məktəblərdə korrupsiya və rüşvətxorluq, ona qarşı mübarizə istiqamətində əlavə dərslər keçiriləcək. Bu barədə “OLAYLAR”İA-ya məlumat verən Korrupsiyaya Qarşı Mübarizə Fondunun icraçı direktoru Vasif Mövsümov deyib ki, korrupsiyaya qarşı mübarizə məqsədi daşıyan layihənin təkcə paytaxt deyil, eləcə də respublikanın bütün regionlarında fəaliyət göstərən orta məktəblərdə həyata keçirilməsi nəzərdə tutulub: ”Bununla əlaqədar olaraq Təhsil Nazirliyi ilə müəyyən məsləhətləşmələr aparılıb və müvafiq razılıq əldə olunub. Həmin dərslər gündəlik dərs proqramına təsir etməyəcək və dərs saatlarından əlavə vaxtlarda keçiriləcək”. Vasif Mövsümov deyib ki, dərslər zamanı orta məktəb şagirdlərinə “Şəffaflığın artırılması və korrupsiyaya qarşı mübarizə üzrə Milli Strategiya” barədə ətraflı məlumat veriləcək, məktəblilərin bu sahədəki rolu və vəzifələrindən danışılacaq.
Əvvəlki xəbər
Rəy bildirilməyib
Bənzər Xəbərlər
