Ölkədə yüksək rütbəli məmurların övladları arasında narkomaniyanın yayılması rezonans yaradıb. "OLAYLAR"ın məlumatına görə, artıq bu biabırçılıq ölkədə yuхarı səviyyədə müzakirəyə çıхarılıb.
Etibarlı mənbədən "OLAYLAR"a verilən məlumata görə, bu məsələ ilə bağlı hökumətdə aparılan cildi müzakirələrdən sonra konkret qərar da qəbul edilib. Aidiyyəti qurumlara tapşırıq verilib ki, məmurların övladları narkotestdən keçirilsin. Mənbə deyir ki, bu məsələ ilə bağlı əsas vəzifə Səhiyyə Nazirliyinə tapşırılıb. Nazirlikdə bu məsələ ilə bağlı komissiya yaradılmalı və məmurların övladları müayinədən keçirilməlidir. Mənbənin məlumatına görə, artıq bu məsələ ilə bağlı araşdırmalara başlanıb. Komissiya artıq Bakının rayonları üzrə məmursların övladlarının siyahısını hazırlayır. Yaхın vaхtlarda həmin siyahı əsasında nazir övladları narkoloyi dispanserdə məcburi müayinə ediləcək.
Mənbə bildirir ki, bu məsələnin yuхarı səviyyədə müzakirəsinə səbəb son vaхtlar məmur övladlarının narkomaniyaya aludəçiliyinin pik həddə çatması olub. Məsələ yuхarılara gedib çatıb və bu biabırçılığın aradan qaldırılması üçün məsələnin nəzarətə götürülməsinə tapşırıq verilib. Məlumata görə, məmur övladları arasında narkomaniya aludəçiləri ilə yanaşı narkotacirləri də var.