Dünyada elə şəhərlər var ki, onların ekologiyası ilə bağlı ayrıca layihələr həyata keçirilir. Tutaq ki, şəhərlərin ekoloji vəziyyəti ilə bağlı fərqli fikirlər toplanır. Yaşanan ekoloji problemlər ortaya çıxarılır. Ekologiya və təbii sərvətlər naziri Hüseynqulu Bağırov belə deyir: "Dünyada bu sahədə nail olunmuş müəyyən həll yolları var. Ən qabaqcıl layihədə bu problemlərin həlli yer alır. Elə şəhərlər var ki, oranın tullantı suları həmin saat emal olunur və təkrar texniki su kimi istifadəyə verilir. Həmin şəhərlərin tullantısı olmur. Nəqliyyat məsələləri elə həll olunur ki, yeniləşən enerjiyə üstünlük verilir. İctimai nəqliyyat elektrik enerjisi üzərində qurulur. Küçələrin dizaynı elə qurulur ki, tıxaclar yaranmasın, əlavə tüstülər havaya buraxılmasın. Sənaye əhalinin sağlamlığı nəzərə alınaraq yerləşdirilir". Nazir onu da bildirib ki, şəhərlərin ekoloji cəhətdən təmiz olmasına yönəlik olan belə layihələr ekologiyaya dost texnologiyalar üzərində iqtisadiyyatın sürətli inkişafına təkan verir: "Tutaq ki, bu dəqiqə Bakıda 5-10 kiçik şirkət var və alterantiv enerji üzrə xidmət göstəririk, deyirlər. Amma heç birinin baqajında artıq göstərilmiş nümunə yoxdur. Belə şirkət necə inkişaf edə bilərğ". Nazirin fikrincə, bu cür şirkətlərin inkişafı üçün şəhərlərin ekoloji cəhətdən təmiz olmasına hesablanmış laiyhələrin həyata keçirilməsi vacibdir. Belə ki, bu cür şirkətlər bu yola öz imkanlarını inkişaf etdirə bilərlər. Nazir onu da bildirib ki, belə layihələr Avstraliyada, Braziliyada, hətta Qazaxıstanda da həyata keçirilir. ("OLAYLAR"İA)