Elmar Məmmədyarov: "Azərbaycan həmsədrlərdən cavab gözləyir"

Yaxın vaxtlarda Dağlıq Qarabağ münaqişəsinin tənzimlənməsilə bağlı Azərbaycan və Ermənistan prezidentlərinin görüşü nəzərdə tutulmayıb. "OLAYLAR"ın məlumatına görə, bunu jurnalistlərə açıqlamasında xarici işlər naziri Elmar Məmmədyarov deyib. Onun sözlərinə görə, hələlik bu barədə görüş planlaşdırılımır: "Hələlik belə məsələlər müzakirə edilmir. Çünki Azərbaycan tərəfi artıq bəyan edib ki, Madrid prinsiplərini qəbul edir, Ermənistan isə sənədə təklif vermək istəyir. Təklif versələr, həmsədrlər həmin təkliflər əsasında müzakirələri davam etdirəcək. Bilirsiniz ki, Ermənistan xarici işlər naziri Moskvada və Fransada görüşlər keçirir. Güman ki, həmsədrlər Ermənistan xarici işlər nazirini xaricə dəvət edəcək və konkret müzakirələr aparılacaq". Elmar Məmmədyarov bildirib ki, həmsədrlərin görüşündən sonra əsas məsələ bəlli olacaq ondan sonra müzakirələr davam etdiriləcək. Ona görə də hələlik prezidentlərin yeni görüşü nəzərdə tutulmur.