Gəminin 23 nəfərlik heyəti Venesuelada həbs edilib

Türkiyəyə məxsus neft tankerinin 23 nəfərlik heyəti Venesuelada həbs edilib. "OLAYLAR"-ın Türkiyə mətbuatına istinadən verdiyi xəbərə görə, tankerin heyət üzvü narkotik qaçaqmalçılığında şübhəli bilinərək həbsə atılıb. Venesuela polisinin Marakabio gölündə üzən tankerdə apardığı yoxlamalar zamanı Aqva Valetta adlı gəmidən 100 paket kokain aşkar edilib. Gəmi heyətinin narkotik maddəni Venesuela üzərindən digər ölkələrə ötürməyə cəhd göstərdiyi bildirilir.