Sənədlər aprelin 5-dən 17-dək qəbul olunacaq

2010-2011-ci tədris ilində Türkiyə Dövləti xətti ilə Türkiyənin universitetlərində təhsil almaq istəyən gənclərin sənəd qəbulu apreldə həyata keçiriləcək. Tələbə Qəbulu üzrə Dövlət Komissiyasının məlumatına görə, qəbul imtahanlarında iştirak etmək üçün hal-hazırda 11-ci sinifdə təhsil alan, 1 yanvar 2010-cu il tarixinə yaşı 24-ə çatmamış və orta məktəbi bitirmiş fiziki və əqli cəhətdən sağlam Azərbaycan vətəndaşları ərizə verə bilərlər. Türkiyədə dövlət xətti ilə təhsil alaraq hər hansı səbəbdən təhsilini yarımçıq qoymuş və ya xaric olunmuş, ali məktəb tələbəsi və ya məzunu olan şəxslər ərizə verə bilməzlər. Ərizələrin qəbulu 5-17 aprel tarixlərində Bakı, Naxçıvan, Gəncə, Sumqayıt, Lənkəran, Şəki, Quba və Şirvan şəhərlərində sənəd qəbulul komissiyalarında aparılacaq. İmtahan isə aprelin 25-də keçiriləcək. ("OLAYLAR"İA)