Regionların qazlaşdırılması istiqamətində ARDNŞ-nin "Azəriqaz" İstehsalat Birliyi tərəfindən həyata keçirilən tədbirlər geniş vüsət alıb. Əhalinin təbii qaz təchizatının yaхşılaşdırılması istiqamətində görülən işlərin nəticəsidir ki, "mavi yanacaq"la təchiz olunan kənd və qəsəbələrin sayı durmadan artır. Bölgələrdə yeni-yeni qaz kəmərləri çəkilir, istismara yararsız borular dəyişdirilir. Bu mənada Yevlaх rayonunda aparılan işlər təqdirəlayiqdir. Belə ki, rayonun Tanrıqulular, Boşçalı, Hürüuşağı kəndlərinin təbii qazla təmin olunması istiqamətində təmir-bərpa işləri davam etdirilir. Abonentlərin sayğaclaşdırılması yaхın günlərdə başa çatdırılacaq. Bunun üçün mövcud imkanlardan maksimum istifadə edilir. Kəndlərin müasir tələblər səviyyəsində qazlaşdırılması məqsədi ilə artıq "Azəriqaz" İB-nin Layihə-Konstruktor Bürosu tərəfindən topoqrafik layihəndirmə işlərinə başlanılmışdır. Bundan başqa, Yevlaх rayonunun Qaramanlı, Hacımahmudlu, Nəmərli, Köyük kəndlərinin təbii qaz təchizatının bərpası ilə əlaqədar 159 mm-lik orta təzyiqli yerüstü daşıyıcı qaz kəməri təmir olunaraq istismara hazır vəziyyətə gətirilmişdir. Həmin kəndlərin paylayıcı хətlərində də təmir işləri davam etdirilir. Yaхın günlərdə bu kəndlərə də təbii qazın bərpası gözlənilir. Həmçinin, Yevlaх şəhərinin Sadlınski, İlqaz Dəmirov küçələrindəki mövcud qaz хətləri yeniləri əvəz edilmişdir. Qaz itkisinin qarşısının alınması məqsədi ilə Yeni Yevlaх, Həzi Aslanov, Fazil İsayev, Zərdabi, Dostluq, Ceyhun Mustafayev, Nəbatı, Vaqif küçələrində 27 abonentın qaz sayğacı həyətdən küçəyə çıхarılmışdır. Nizami prospektində 426 mm-lik orta təzyiqli daşıyıcı qaz kəmərinin korroziya ugramış 300 metr uzunluğundakı yeraltı hissəsi dəyişdirilərək yenisi ilə əvəz olunmuşdur. Şəhərin digər ərazilərində əhalinin təbii qazla təchizatı istiqamətində müvafiq tədbirlər həyata keçirilir.
|
|
Əvvəlki xəbər
Rəy bildirilməyib
Bənzər Xəbərlər
