19 yaşadək futbolçulardan ibarət Azərbaycan yığması martın 31-dən aprelin 10-dək İtaliyanın Olbia şəhərində təlim-məşq toplanışında olacaq. AFFA-nın İnformasiya və İctimaiyyətlə Əlaqələr Departamentindən Fanat.az-a bildirilib ki, hazırlıq prosesi çərçivəsində - aprelin 2-dən 4-dək yığmamız beynəlхalq turnirdə iştirak edəcək.
U-19 qrupda "Olimpik" (Marsel) və "Yuventus" klublarının müvafiq yaş qrupundan ibarət komandası ilə mübarizə aparacaq.