3 nəfər ömürlük, 1 nəfər isə 11 il azadlıqdan məhrum edildi

Ağır Cinayətlərə dair İşlər üzrə Məhkəmədə ötən ilin aprel ayında Azərbaycan Dövlət Neft Akademiyasında törədilən terrorda təqsirləndirilərək həbs olunan 4 nəfərin işi üzrə məhkəmə prosesi başa çatdı. Bu barədə "OLAYLAR"a məhkəmədən məlumat verilib. Hakim Ramella Allahverdiyevanın sədrliyi ilə keçirilən prosesdə təqsirləndirilən şəxslərə hökm oxunub.  Məhkəmənin hökmü ilə təqsirləndirilən şəxslər Cavidan Əmirov, Nadir Əliyev və Nəcəf Süleymanovun hər biri ömürlük azadlıqdan məhrum edilib. Məhkəmənin hökmü ilə iş üzrə digər təqsirləndirilən Ariz Qabulova isə 11 il həbs cəzası verilib.
Qeyd edək ki, ötən il aprelin 30-da Azərbaycan Dövlət Neft Akademiyasının payütaxtın Dilarə Əliyeva küçəsindəki tədris korpusuna daxil olan silahlı şəxs təhsil müəssisəsində 12 nəfəri qətlə yetirmiş, 13 nəfəri isə yaralamışdı. Hadisədən sonra silahlı terrorçu özünü də öldürmüşdü. Qatilin Gürcüstan vətəndaşı Fərda Qədirov olduğu müəyyən edilmişdi. Fərda Qədirova terrorda yardım etməkdə təqsirləndirilən Cavidan Əmirov, Nəcəf Süleymanov, Nadir Əliyev və  Ariz Qabulov isə həbs edilmişdi.