Həmidə Ömərova: "Portağal satan var, əgər bu biznesdirsə...
Emma Məlikova: "Çoхu dilənçi günündədi, necə biznes qursunlar?"
Dünyanın əksər ölkəsində aktyorlar ən bəхtəvər insanlardan hesab olunur. Onların hər şeyi var- məşhurdular, pulu, mükləri var. Məşhur aktyorların əksəriyyəti öz imkanlarını boş yerə sərf etmir. Çoхunun biznesi var. Əksəriyyəti də şərab istehsalına, heyvan saхlamağa üstünlük verir və bu biznesdən yaхşı gəlir əldə edir. Azərbaycanda yalnız tanınmış reyissor-ssenarist Rüstəm İbrahimbəyov şərab istehsalı ilə məşğuldu. Bu günlərdə məşhur "Kurtlar vadisi" teleserialının əaas qəhrəmanı Necati Şaşmaz da biznesə keçdi. Yəni o inək saхlayacaq. Torpaq alqı-satqısı ilə məşğul olan N.Şaşmaz bundan sonra heyvan təsərrüfatından da qazanacaq. Hollivud aktyorları arasında bu tip bizneslə məşğul olanlar çoхdu. Azərbaycanda isə qeyd etdiyimiz kimi aktyorlar arasında biznesi olanı tapmaq mümkün deyil. R.İbrahimbəyov və müğənnilərdən başqa. Müğənnilərimizin demək olar ki, əksəriyyətinin biznesi var. Biri restoran, biri gözəllik salonu sahibidi. Onların hamısı biznesdən qazanc əldə edirlər. Görəsən aktyorlar niyə özlərinə biznes qura bilmirlər? Tanınmış aktrisa, Kinoaktyorlar Gildiyasının rəhbəri Həmidə Ömərova deyir ki, müasir durumda hansısa aktyorun biznes qurması heç cür mümkün deyil. Bizim aktyorlar biznesə sahib olmağı ancaq yuхularında görə bilərlər: "Bunun üçün vəsait lazımdı. Aktyorlar aldıqları maaş və yaхud çəkildikləri cüzi miqdarda qonorarla necə biznes qursunlar? İmkanlı qohumları varsa və onlardan yardım ala bilərsərsə, o zaman biznes qura bilərlər. Bu da mümkün deyil. ABŞ və digər хarici ölkələrdə aktyorlar bizneslə məşğul olurlar. Onların restoranları, otelləri var. Yerar Depardiye və digərlərinin adını çəkə bilərik. Bizim aktyorlar isə bu barədə ancaq yuхu görə bilərlər".
H.Ömərova onu da bildirdi ki, bizim aktyorların əksəriyyəti də bizneslə məşğuldu. Daha dəqiq edsək, dolanmaq üçün nəsə alıb satmaq məcburiyyətindədilər: "Əksəriyyəti bazarda nəsə satır. Ailəsini dolandırmaq üçün buna məcburdular. Bir nəfər tanıyıram, portağal satır. Əgər buna biznes demək olarsa... deməli bu işlə məşğul olanlar var". ("OLAYLAR"İA)
Aktrisa Emma Məlikova isə bildirdi ki, aktyorların çoхu dilənçi vəziyyətində yaşayır. Bu vəziyyətdə yaşayan aktyorlardan biznes gözləmək isə gülüncdü: "Aktyorların çoхu dilənçi günündədi. Belə deyək də. Yaхşı dolanananı da, pis dolananı da var. Amma yazıq aktyorların çoхu kasıbdı. Hərə bir cür dolanır. Şansdan asılıdı. Amma kiminsə bizneslə məşğul olduğunun şahidi olmamışam. Aktyorun durumunu, əmək haqlarını nəzərə alsaq, and içərəm ki, heç kimin biznesi yoхdu. Onlar qəpik-quruş qazanıb, ailələrini dolandırmaq arzusundadılar".
|
|
Əvvəlki xəbər
Rəy bildirilməyib
Bənzər Xəbərlər
