Bu gün Ağır Cinayətlərə Dair İşlər üzrə Məhkəmədə ali məktəbə tələbə qəbulu adi ilə dələduzluqda təqsirləndirilən şəxsə hökm oxunub. APA-nın xəbərinə görə, hakim Eynulla Vəliyevin sədrliyi ilə keçirilən prosesdə məhkəmə təqsirləndirilən Firdovsi Məmmədovun cinayətinin sübuta yetirildiyi qənaətinə gəlib. Məhkəmə təqsirləndirilən şəxsi 9 il müddətinə azadlıqdan məhrum edib.
İttihama görə, təqsirləndirilən Firdovsi Müzahim oğlu Məmmədov paytaxt sakini Ceyhun Məmmədov adlı şəxsin qızını ali məktəbə düzəltmək adı ilə aldadaraq ondan 17 min manat alıb. C. Məmmədovun şikayəti əsasında F. Məmmədov tutulub.
Məhkəmədə ifadəsində isə F. Məmmədov zərərçəkmişdən 17 min manat aldığını etiraf edib və bildirib ki, həmin pulu xərcləyib: “İndi zərərçəkmişə dəymiş ziyanın ödəməyəhazıram”.