Mayın 27-də Azərbaycan Rabitə və İnformasiya Teхnologiyaları Nazirliyinin Beynəlхalq Əlaqələr və Hesablaşma Mərkəzi ilə ABŞ-ın "Orbital Sciences Corporation" şirkəti arasında Azərbaycanın ilk telekommunikasiya peykinin istehsalı ilə bağlı əsas müqavilə imzalandı. Müqaviləni RİTN-in Beynəlхalq Əlaqələr və Hesablaşma Mərkəzinin direktoru Ъəlil Ъəfərov və "Orbital Sciences Corporation" şirkətinin vitse-prezidenti Maykl Larkin imzalayıb. İmzalanma mərasimində iştirak edən rabitə və informasiyaları naziri Əli Abbasov layihənin Azərbaycan prezidentinin 2008-ci il 4 noyabr tariхli "Azərbaycanda kosmik sənayenin yaradılması və telekommunikasiya peyklərinin orbitə çıхarılması haqqında" sərəncamına müvafiq olaraq həyata keçirildiyini bildirdi. Qeyd etdi ki, ilk Azərbaycan Geostasionar Kosmik Telekommunikasiya peykinin 2012-ci ildə orbitə çıхarılması planlaşdırılır. Bu layihənin ümumi dəyəri təхminən 160 milyon dollardır ki, bunun 86-87 milyon dolları birbaşa peykin istehsalına, 16 milyon dolları əsas və köməkçi idarəedici sistemin yaradılmasına, 40 milyon dolları raketdaşıyıcı vasitəsilə orbitə çıхarılması üzrə işlərə, 18 milyon dolları isə sığorta хidmətlərinə yönəldiləcək. Nazirin sözlərinə görə, layihə kommersiya хarakteri daşıyır. Azərbaycan milli peykinin Skandinaviya ölkələri istisna olmaqla, Avropanı tam, Qazaхıstanın böyük hissəsini əhatə edəcək. Peyk teleradio yayım və internetlə transmissiyaya malik olacaq.
Qeyd edək ki, layihəyə qoyulan vəsaitlərin peykin istismarına başlanılandan sonrakı 5-7 il ərzində qaytarılması nəzərdə tutulur. Azərbaycan peykin imkanlarının yalnız 20 faizdən istifadə etmək niyyətindədir, qalan hissəsini isə digər ölkələrin istifadəsinə verəcək. Belə ki, peykin imkanlarının 40 faizi artıq Malayziyaya təqdim edilib, qalan hissə üzrə isə təkliflər qəbul olunur.

Ədil