Avqustun 17-də Novxanı “Aqua park” istirahət mərkəzində yerli və əcnəbi yaradıcı gənclərin iştirakı ilə “Gənclər bu gün” adlı beynəlxalq görüş-seminara start verildi. Mədəniyyət və Turizm Nazirliyinin təşkilatçılığı ilə keçirilən tədbirdə teatr, kino və moda sahələri üzrə Azərbaycanla yanaşı, Rusiya, Türkiyə, Gürcüstan, Ukrayna və Belorusdan da  gənclər iştirak edirlər.
Seminarın açılışında çıxış edən Mədəniyyət və Turizm Nazirliyinin incəsənət şöbəsinin əməkdaşı Mirsahib Musayev  tədbiri keçirməkdə məqsəd müxtəlif ölkələri təmsil edən  gənclərin birgə əməkdaşlığını təşkil etmək, gənclərin problemlərinin birgə müzakirəsi və təcrübə mübadiləsi aparmaq oldugunu bildirib.  Həmçinin , avqustun 20-dək davam edəcək seminarlar müddətində qeyd edilən sahələr üzrə müzakirələr aparılacagini, sərgilər və moda nümayişi təşkil olunacaq, filmlər göstəriləcəyini bildirib. Bundan başqa yerli və əcnəbi mütəxəssislərin gənclərlə ustad dərsləri planlaşdırılır.
Qeyd edək ki, seminarın ilk günü  teatr rejissorluğu sahəsində yaradıcı gənclərin diskussiyaları olub. A.S.Puşkin adına Rusiya Dövlət Akademik Dram Teatrının rejissoru İsgəndər Sakayev  ustad dərsləri keçmişdir. Eyni zamanda, Gürcüstan və Azərbaycan kukla teatrı aktyorlarının çıxışları olmuşdur.
Sabah isə kinorejissorluq mövzusunda debatlar, gənc rejisorlarin filmlərinin nümayişi keçiriləcək

Gülər