Vüqar Bayramov: "bəzi hallarda ehtiyac olmadıqda beynəlxalq maliyyə qurumlarının vəsaitlərinə müraciət edilir"

 "Azərbaycanın dövlət ehtiyatlarının həcmi kifayət qədər çoxdur, bu göstərici artıq 24 milyon dollara qədər yüksəlib. Bu baxımidan, beynəlxalq maliyyə qurumlarının elə kreditlər var ki, onların alınmasına ehtiyac yoxdur". Bunu deyən İqtisadi və sosial inkişaf mərkəzinin rəhbəri Vüqar Bayramovun sözlərinə görə, beynəlxalq maliyyə qumlarından kreditlər alınan zaman onun iqtisadi əsaslandırılması həyata keçirilməlidir: "Əgər dövlət büdcəsi hansısa layihənin həyata keçiriloməsinə imkan verirsə, o zaman təbii ki, beynəlxalq maliyyə qurumlarından borc almağa ehtiyac yoxdur. Nəzərə almaq lazımdır ki, Azərbaycanın dövlət büdcəsinin gəlirləri 15 milyard dollara yaxındır ki, bu da kifayət qədər böyük vəsait deməkdir. Bu baxımdan elə sahələr var ki, həmin sahələrə dövlət büdcəsindən vəsaitin ayrılması daha sərfəlidir. Çox təssüf ki, bəzi hallarda ehtiyac olmadıqda belə beynəlxalq maliyyə qurumlarının vəsaitlərinə müraciət edilir". Ekspertin bildirdiyinə görə, dövlət qurumlarının müxtəlif layihələrin icrası məqsədilə beynəlxalq maliyyə qurumlarından kreditlərin alınmasına birmənalı yanaşmıq düzgün olmazdı. Çünki bir sıra sektorlar var ki, həmin sahələr üzrə kreditlərin alınmasına ehtiyac var. "Bəzi beynəlxalq maliyyə qurumları  kreditlərini güzəştli şərtlərlə və uzunmüddətə verirlər. Baxmayaraq ki, hazırda Azərbaycan güzəştli kredit almır, ancaq bütün hallarda beynəlxalq maliyyə qurumlarının kreditləri kammersiya banklarının kreditlərdən xeyli ucuzdur. Digər tərəfdən, nəzərə almaq lazımdır ki, dolların məzənnəsi dəyişdiyi halda həmin maliyyə qurumlarından alınan kreditlərin faiz dərəcəsi aşağı ola bilər. Dolların infilyasiyası zamanı isə daha az həcmdə vəsait qaytarılmalı olacaq. Bu məsələdə problem beynəlxalq maliyyə qurumlarınından ayrılan vəsaitlərin necə istifadə olunmasındadır. Bu kreditlər səmərəli istifadə olunsa, infrastrukturun inkişafına stimul versə, həmin kreditlərin alınması məqsədəuyğundur. Çox təssüf ki, bu gün beynəlxalq maliyyə qurumlarından alınan kreditlərin hamısı heç də səmərəli istifadə olunmur. Aparılan manitorinqlər göstərir ki, onların əksəriyyəti səmərəsiz istifadə olunan kreditlərdir". V.Bayramovun sözlərinə görə, beynəlxalq maliyyə qurumlarından kreditlərin alınmasının mənfi təsiri ondan ibarətdir ki, dövlət qurumları tərəfindən alınan kretditlərə monitorinq imkanları məhduddur. Hətta bğəzi hallarda krediti verən təşkitlatlar özləri bu monitorinqi həyata keçirmirlər. Nəzərə almaq lazımdır ki, vəsaitin necə və hansı sahələrə xərclənməsindən asılı olmayaraq, alınan kreditlər müvafiq dövlət qurumları tərəfindən geri qaytarılmalıdır.