Qədim Bərdə şəhərinin yerləşdiyi ərazidə aparılan arxeoloji qazıntılar zamanı daş dövrünə aid maddi mədəniyyət nümunəsi aşkar olunub. Tədqiqatlar rayonun Şatırlı kəndində Balatəpə adlanan sahədə aparılır. İndiyə qədərki tədqiqatlar Bərdənin tarixinin erkən orta əsrə getməsinə dair məlumat verirdisə, son qazıntılar ərzində ilk tunc dövründə şəhər tipli yaşayış məskəninin mövcud olması ortaya çıxıb. Bu barədə "OLAYLAR"a Mədəniyyət və Turizm Nazirliyindən məlumat verilib. Məlumata görə, eneolit dövrünə aid olan həm yaşayış məskəni, həm də maddi mədəniyyət nümunələri üzə çıxıb.