BUTA ənənəvi turnirdə ölkəmizi təmsil edəcək.

 Koreyada yaşayan müxtəlif ölkə nümayəndələrinin futbol komandaları arasında mütəmadi olaraq hər il sentyabr və mart aylarında başlayan çempionat keçirilir.BUTA Azərbaycan-Koreya Tələbə Təşkilatı bu çempionatda iştirak etmək üçün azərbaycanlı tələbələrdən ibarət BUTA Azərbaycan futbol komandasının yaradılması təşəbbüsü ilə çıxış edib.

Təşəbbüs Azərbaycanın Cənubi Koreyadakı Səfirliyi tərəfindən yüksək qiymətləndirilib və komandanın yaradılması və çempionatda iştirak etməsi üçün zəruri olan bütün maddi-mənəvi dəstək göstərilib.

BUTA Azərbaycan futbol komandasının üzərində loqosu və Azərbaycan bayrağı olan futbol formaları hazırlanıb, çempionatda iştirak etmək üçün qeydiyyatdan keçib. Yeni yaradılan komanda sentyabr ayının 4-dən etibarən turnirdə ölkəmizi təmsil edəcək.