Ramazan bayramı münasibətilə İçəri şəhər "Cümə məscidi" ndə tədbir keçiriləcək. Səbail rayon icra hakimiyyətindən "OLAYLAR"a daxil olan məlumatda bildirilir ki, ilk dəfədir ki, Ramazının bütün günlərində məsciddə icma üzvləri və imkansızlar üçün iftar süfrələri təşkil olunub. İftar süfrələrinin kçirilməsi üçün imkanlı insanların köməyi, həmçinin məscidin dini icmasınını üzvlərinin yaxından iştirakı ilə tədarük görülüb, həmçinin imkansız, kasıb, xəstə insanların ailələrinə ərzaq paylanıb. 9-10 tarixlərində məsciddə namaz qılınacaq, bayram süfrəsi açılacaq. Məscidin axundu Hacı Surxay bayram günü hər bir imkansız ailənin evində xörəyin bişirilməsinə yardımçı olmağın imkanlı müsəlmanlar üçün savab və borc olduğunu bildirib.