2010-cu ilin yanvar-iyun ayları ərzində ölkədə əlilliyin artım dinamikası ötən ilin müvafiq dövrü ilə müqayisədə 887 nəfər azalıb. Bu barədə Əmək və Əhalinin Sosial Müdafiəsi Nazirliyindən verilən məlumata görə, hesabat dövründə təkrar əlil hesab edilənlərin sayı 1060 nəfər artıb. Eyni zamanda, tam reabilitasiya edilənlərin də sayında 2740 nəfər artım baş verib. Altı ay ərzində tam reabilitasiya göstəricisi 2,4 faizə yüksəlib. "2010-cu ildə əlillərin sosial müdafiəsi ilə bağlı tədbirlərin maliyyələşdirilməsinin Dövlət Proqramı"nın icrası olaraq əlillərin sağlamlığının mühafizəsi və tibbi bərpası ilə bağlı xarici ölkələrə müalicə üçün gedən 50 əlilin, daxili klinikalarda müalicə alan 25 nəfərin müalicə xərci ödənilib.