Güney Azərbaycanda siyasi fəallara və onların ailə üzvlərinə təzyiqlər səngimir. GAMOH-un Quzey Azərbaycan təmsilçiliyindən "OLAYLAR"a daxil olan məlumata görə, ziyalı, milli hərəkatçı və siyasi fəal Mühəndis Əlirza Sərrafi Təbriz inqilab məhkəməsinə çağırılıb. Qeyd edək ki, "Dilmanc" jurnalının təsisçisi olan Sərrafi dəfələrlə milli çıxışlarına görə təzyiqlərə məruz qalıb, həbs edilib. Sonuncu dəfə ana dili aksiyasında göstərdiyi fəallığa görə saxlanılmışdı. Əlirza Sərrafi Evin həbsxanasında da saxlanılıb. Ona 205-ci şöbədə işgəncələr verilib.