Ənənəvi olaraq Azərbaycanda qeyd olunan 27 sentyabr-Ümumdünya Turizm Günü bu il də təntənəli şəkildə qeyd olunacaq. Bu məqsədlə sentyabrın 29-da Bakı Biznes Mərkəzində müxtəlif təqdimatların keçirilməsi planlaşdırılıb. Bu barədə "OLAYLAR"a Mədəniyyət və Turizm Nazirliyindən məlumat verilib. Məlumata görə, bu çərçivədə Fransada fransız dilində, İngiltərədə isə ingilis dilində hazırlanan Azərbaycanın bələdçi kitablarının təqdimatı baş tutacaq. Bununla yanaşı bir illik hesabat da təqdim olunacaq.
Qeyd edək ki, hazırda Azərbaycanda 50-yə yaxın iri və kiçik həcmli mehmanxana və mehmanxana tipli obyektlər tikilir. Bu ilin sonuna kimi 30-a yaxın obyektin istifadəyə verilməsi nəzərdə tutulub.