Azərbaycanda ilk dəfə olaraq www.history.az  adlı Azərbaycan Tarixi Portalı yaradılıb. "İrəli" İctimai Birliyindən "OLAYLAR"-a daxil olan məlumatda bildirilib ki, adı çəkilən portal Gənclər və İdman Nazirliyi, Azerfon MMC, "HR" şirkəti və "İrəli"nin Tarix Mərkəzi tərəfindən yaradılıb. Portalda Azərbaycan tarixi haqqında yazılmış kitabların, sənədlərin və digər mənbələrin elektronlaşdırılmış versiyası cəmlənib. Portalın yaradılmasına cari ilin yanvarından başlanıb. İctimai Birlikdən verilən məlumatda bildirilib ki, aprelin 24-də portalın təqdimat mərasimi keçiriləcək.