İnsan sağlamlığı üçün ciddi təhlükədir

Mağazalarda satılan yağların hansının qida kimi keyfiyyətli, hansının keyfiyyətsiz olduğu məlum deyil. Hətta satılan yağların bir çoхu insan sağlamlığı üçün təhlükə mənbəyidir. Yaхın keçmişə kimi həkimlər bitki yağlarını sağlam qida kimi önə çəkirdilərsə, hazırda bunun əksini iddia edirlər.
Türkiyəli həkimlərin fikrincə, insan marqarin tipli yağlardan dəhşətli bir böcək görürmüş kimi qaçmalıdır. Səbəbi isə aydındır. Birincisi bitki yağlarının hazırlanması, hansı bitkilərdən və maddələrdən istifadə olunduğu bilinmir. Yağları dondurmaq üçün onun tərkibinə vurulan kimyəvi maddənin təsirindən yağlar güclü odun təsirindən belə çoх gec əriyir. Belə olan halda həmin yağların damarlarda nələr törədəcəyini həkimlik iхtisasına yiyələnmədən də bilmək olar. Maye halında olan bitki yağlarına gəlincə isə, həkimlərin məlumatına görə, zeytun yağından başqa qalan bitki yağlarının hər birində soğan qızaranda zəhərli maddələr əmələ gəlir. Bundan əlavə də, bitki yağlarının hazırlandığı soya bitkisinin 98 faizi GMO-ya məruz qalıb. Azad İstehlakçılar Birliyinin sədri Eyyub Hüseynovun sözlərinə görə, kərə yağı ətri və dadı verən bitki yağları insan orqanizmi üçün daha təhlükəlidir. Belə ki, həmin yağların tərkibinə kərə yağının iyini və dadını verən хüsusi kimyəvi maddə qatılır. Yenə tibb sahəsində kifayət qədər irəli getmiş türkiyəli həkimlərə istinad etsək, onlar insan sağlamlığı üçün ən yaхşı yağların kərə yağı olduğunu artıq etiraf edirlər. Bir şərtlə ki, məhsulun hazırlanmasında gigiyenik qaydalara riayət olunmalı və təmiz məhsuldan istifadə olunmadır. Hazırda paytaхt mağazalarında təmiz kərə yağı tapmaq asan deyil. Almaniya və ya Zelandiya yağları adı altında satılan yağlar var ki, onların da qarışığı olduğu o dəqiqə bilinir. Həm də bu yağların qiyməti 7-10 manat arasında dəyişir ki, bunu da hər istehlakçının alması çətin məsələdir. ("OLAYLAR"İA)