DANİV Milli Qəhrəmanın ailəsinə baş çəkib

Demokratik Azərbaycan Naminə Gənclərin İctimai Birliyinin üzvləri Azərbaycanın Milli Qəhrəmanı Mübariz İbrahimovun ailəsinə baş çəkiblər. Bu barədə "OLAYLAR"a məlumat birliyin ictimaiyyətlə əlaqələr şöbəsindən daxil olub. Şəhidin artıq 50 milyonluq Azərbaycan xalqının övladı olduğu vurğulanıb. Birliyin sədri Elməddin Behbud Milli Qəhrəmanın adına açılmış xatirə dəftərində ürək sözlərini qeyd edib. Bildirib ki, M.İbrahimovun atdığı addım sayəsində cəmiyyətin bütün kəsimlərinin düşüncəsində bir daha həyəcan yarandı: "Mübariz İbrahimovun addımı ölkədə düşmənə nifrət hissinin yüksəlməsinə və torpaqlarımızın düşmən tapdağından azad olunması istiqamətində daha qətiyyətli qərarların qəbuluna təkan verdi. M.İbrahimovun şəxsində xalqımız bir daha mövcud ədalətsiz dünyaya və işğalçı Ermənistana torpaqlarının tapdaq altında qalması ilə heç bir halda barışmayacığını və zaman keçdikcə düşmənlərimizə bunun daha ağır şəkildə əvəzini ödəməyə məcbur olacağı mesajını vermiş oldu". ("OLAYLAR"İA)