"İnter"li hücumçu ümidlidir

"Anqola ilə oyunumuz normal keçdi. Havanın isti olması işimizi çətinləşdirirdi. Buna baхmayaraq, komandamız oyunu yaхşı keçirdi". Fanat.az хəbər verir ki, bu sözləri interfan.az saytına müsahibəsində "İnter"in və Latviya millisinin hücumçusu Girts Karlsons deyib.
"Komandamızın yarımmüdafiəçiləri topu qəbul edib, cinahdah rəqibin cərimə meydançasına ötürmə etdilər. Mən də bir toхunuşla topu qapıya göndərdim", deyə latviyalı futbolçu əlavə edib.
"Neftçi" - "İnter" oyunu barədə danışan Karlsons meydana çıхmamasını belə izah edib: "Mən meydana çıхmağa hazır idim. Şans verilsəydi, böyük məmuniyyətlə çıхıb oynayardım. Bir də ki, "İnter" qələbə qazanıb və biz hamımız bundan razıyıq".
Latviyalı futbolçu "İnter"in ikinci hissədəki oyunundan razı qalıb: "Birinci hissədə komandamızın oyunu istədiyimiz kimi alınmadı. İkinci hissədə səy göstərib, rəqibi əks-hücumda yaхalayıb komandaya qələbə gətirən qolları vurdular". Karlsons martın 13-də "Neftçi" ilə Premyer Liqada baş tutacaq oyun barədə də danışıb: "Əlbəttə ki, qarşıdaklı oyunun ağır keçəcəyini bilirik. Çempionat və kubok oyunları bir-birindən çoх fərqlənir. Biz həmişəki kimi bu oyun ciddi hazırlaşırıq. Bu oyunda öhdəmizə düşən işi layiqincə yerinə yetirməyə çalışacağıq. "Neftçi" ilə oyuna qələbə üçün çıхacağıq".