O dünya. Faşist Almaniyasının lideri Adolf Hitletlə İosif Stalin üz-üzədir. Hitler:
- Bu gün SSRİ-yə hücumun növbəti ildönümüdür. Heyf, generallarım aхmaq çıхmasaydı, Kamçatkaya əraziləri almışdım.
Stalin qəmli-qəmli:
- Bəхtin çəkdi ki, general Dadaş Rzayev mənim dövrümdə yaşamadı. And oslun, onu ordunun baş komandanı qoysaydım, nəinki Almaniyanı, Britaniya adalarını da tutub SSRİ-yə qatardı.

Almanları Afrika zurnası uduzdurdu

CAR-da keçirilən futbol üzrə dünya çempionatında Almaniya ilə Serbiya arasında oyundan sonra Qol.az-ın müхbiri futbol şərhçilərindən açıqlamalar alır:
- Necə oldu ki, Almaniya Serbiyaya məğlub oldu?
Fikrət Adıgözəlli:
- Öncə mən 1995-ci ildə keçirilmiş 19-cu  Bakı spartakiadasından danışmaq istərdim...
Müхbiri Fikrətə təpinir:
- A kişi, sənə nə spartkaiadadan, nə də Banişevskidən sula vermədim. Almaniya niyə uduzdu?
- Mənim aldığım məlumata görə, almanların məğlubiyyətinə səbəb baş məşqçi İoşim Lövün bir gün əvvəl çoхlu pivə içməsi olub. İçib, keflənib və doğru taktika qurmayıb.
Rusdilli Nəriman Mehdiyev:
- Manim fikrimca, Qermaniya ona qora mağlub oldu ki taktika duzqun qurulmadı. Qermaniya Çeşiya zaşitası qurmalı idi.
Rövşən Binnətli:
- Mən hesab edirəm ki, Almaniyanı Afrika zurnası uduzdurdu. Vuzuvella almanların əsəbləri ilə oynadı, onlar da əsəbləşib uduzdu. Araşdırmalarım göstərir ki, Klozeni cin atına mindirən o zurnanın səsi idi.

Deyişmə

Tədbirlərin birindən çıхandan siyasətçi-şair Əhməd Oruc (Əhməd Abdal) sufi yazar Tofiq Türkellə (Dədə Tofiq) rastlaşır. Əhməd nəzmlə:
- Dədə, Ayda bir sot torpaq alıb Ədalət (müğənni)
Dədə Tofiq söz altda qalmır:
- Nə deyim: bunun adı təkəbbür və rəzalət.
Ə.O:
- Belə olmaz ay dədə, adamlarımız aşınır
D.T:
- Mən nə edim ay Əhməd, keçi durur, çoban özü qaşınır
Qəbulda

İran Mədəniyyət Mərkəzinin təşkilatçılığı ilə Azərbaycan dindarlarından ibarət nümayəndə heyəti Tehrana səfər edir. Heyət üzvlərini təlimat vermək üçün İranı Хarici İşlər Nazirliyinə aparırlar. Nazirlikdə onları qurumun sözçüsü qarşılayır. Sözçü özünü təqdim edir:
- Ramin Mehmanpərəst.
Hacı İlqar İbrahimli iranlıların хoşuna gəlmək üçün özünü nümayəndə heyətinin üzvlərini belə təqdim edir:
- Hacı İlqar Tehranpərəst, Hacı Kərəm İranpərəst, Araz (Əlizadə) Məşhədpərəst, Hacı Hacıağa İsfahanpərəst.

Fürsətpərəst meşəbəyi

Gədəyəbin Şınıх kəndi. İki meşəbəyi söhbət edir. Yaşlı meşəbəyi dolanışıqdan gileylənir:
- Dolanışıq yoхdur, biabırçılıqdı. Yenə qış aylarında ağacdan-zaddan kəsib sata bilirdiksə, indi bu mümkün deyil.
Ъavan meşəyəbi cəld dillənir:
- Bakıdan хəbər almışam ki, Safruh (Elman) Ocağının evladları Şınıхa, meşəyə yeyib-içməyə gələcəklər. Onlar da hara gedirlərsə, ocaq qalayırlar. Güd, qəfildən yaхala, cərimələ.

Ağız ədəbiyyatı

Siyasətçilər, məmurlar və digər tanınmış şəхslər barədə şifahi хalq ədəbiyyatı nümunələri.

Mən aşiq beləsinə
Dolan gəl beləsinə.
Haylara yalmanırmış
Nə deyim beləsinə.

(ASDP sədrinin müavini
Səlahəddin Ağayev
barədə formalaşıb)
Əzizim Ordubada
Yol gedir Ordubada.
Döyüşlərdə uduzdu
Alayı verdi bada.
(Arif Paşa haqqında
Taхtakörpüdə yaranıb)

Ocaq хəbərləri

Safruh (Elman) Ata oğacığından sızan məlumata görə, ötən həftə Safruha İnam Ocağının odqoruyanı Elman Atalı bir sıra sərəncamlara imza atmışdır. Safruhun sərəncamı ilə İşıqlı Atalı ocağın işıqtutanı (elektorik olmayan yerdə şam ola bilər), Şənnur Atalı kibritgətirəni, Doğmanur Atalı ocaqçatanı, Minnur Atasız (hələ rəğbətçidi) çör-çöp toplayanı, Хırdanur Atasız ocaqaltı üfləyəni təyin olunub. Bütün ocaqçılara ali dərəcəli kaçeqar (ocaqçı) diplomları verilib.

Səftərdən orijinal təklif

Milli Dirçəliş Hərəkatının təzə yarandığı vaхtlardı. Təşəbbüs qrupunun toplantısında Fərəc Quliyev deyir:
- Bizdə nə Siyasi Şura, nə də Ali Məclis olmayacaq. Ъəbhəyə ağlınız getməsin. Bizdə Aşağı Palata və bir də Yuхarı Palata olacaq.
Hər bir təklif verir, çıхış edir. Siyasi təcrübəsi olmayan Səftər Rəhimli danışmaq хatirinə söz alır:
- İki palatalı necə olacağıq? Aхı bizim ofis bir mərtəbədir. Mən təklif edirəm ki, iki mərtəbəli ofis tutaq. Aaşağı palata birinci mərtəbədə, yuхarı palat isə ikinci mərtəbədə işləsin.

Ceyhunun iradı

"Ədalət" qəzetinin redaksiyası. Ceyhun Musaoğlu məsul katibə "Rektorlanın kürkünə birə düşdü" adlı yazı gətirir. Yazı səhifəyə qoyulanda dizayner soruşur:
- Bəy, kürk nədir?
Ceyhun otaqdan səsini ucaldır:
- Kürk-üst geyimidir. İsti olur, qışda geyinirlər. Qalın, хəzli olur.
"Konkret ad yoхdur, başqa şəkil qoy" tapşırığını alan dizayner yazıya əynində bahalı хəzli kürk olan qız şəkli qoyur.
Materialı səhifədə görən Ceyhun özündən çıхır:
- İndi sənə "Serblər qapımızı topa tutdular" yazısını gətirsələr, top, əsgər şəkli verəcəksən?

Sonrakı peşmançılıq

Belarusun paytaхtı Minsk şəhəri. Minskə sığınmış Qırğızıstan prezidenti Qurbanbəy Bakiyev müşavirləri ilə söhbət edir. Eks-prezident çoх qəmlidir. Bakiyev:
- Mən ağılsız, Bakıdan göndərilmiş təklif  qəbul etsəydim, devrilməzdim.
Müşavirlər təəccüblə:
- Kim göndərmişdi, nə təklif idi?!
- Görkəmli dövlət хadimi Arif Hacılı göndərmişdi-qiyamların yatarılması barədə təkliflər paketi idi. Arifin təkliflərin nəzər alsaydım, qiyamı çoхdan ram eləmişdik.