Ümumdünya Səhiyyə Təşkilatının bülletenində bildirilir ki, ABŞ-da qeydə alınan 400 min ürək çatızmazlığından ölüm faktlarını yarıyadək azaltmaq olar. Bunun üçün ürək xəstəliyindən əziyyət çəkənlər düzgün qidalanmalı və siqareti atmalıdırlar. Bildirilir ki, ötən əsrin 90-cı illərində artan piylənmə və şəkərli diabet xəstəliyi bir çoxlarının ürək-damar sistemində problemlərə gətirdi. Yalnız ABŞ-da insanların düzgün qidalanması və siqaretdən imtina etməsi ürək xəstəliyindən əziyyət çəkən əhalinin statistikasını 25 faizdən 12 faizə endirə bilər. ÜST-nın xroniki xəstəliklərin profilaktikası məsələlərinə dair əlaqələndiricisi Şanti Mendisin sözlərinə görə, siqaretdən imtina, idmanla məşğul olmaq ürək, insult və şəkərli diabet xəstəliklərinin azalmasına gətirir. Qeyd edək ki, dünyada 1 milyarddan çox insan artıq çəkidən əziyyət çəkir. Lazımi tədbirlər görülməzsə, 2015-ci ilədək onların sayı 1,5 milyarda çatacaq. Ötən əsrin 70-90-cı illərində ürək-damar xəstəliklərindən əziyyət çəkənlərin sayında azalma müşahidə edilirdi. Bu, tərkibində yüksək xolesterin olan qidadan imtina, fiziki aktivlik, siqaretdən imtina və s. ilə bağlı idi. ("OLAYLAR"İA)
Əvvəlki xəbər
Bənzər Xəbərlər
