Görkəmli polyak bəstəkarı və pianoçusu Friderik Şopenin yubileyi Bakıda da qeyd olunacaq. Bu münasibətlə avqustun 4-də Niyazinin mənzil muzeyində "Şopenin həyat və yaradıcılığı illüstrasiyalarda" adı altında tədbir keçiriləcək. Gecədə bəstəkarın əsərlərindən ibarət konsert proqramı ilə yanaşı slayd-şou nümayiş etdiriləcək. Mədəniyyət və Turizm Nazirliyindən "OLAYLAR"a verilən məlumata görə, Şopen yaradıcılığını və musiqisini sevənlər ekranda onun ailəsini, uşaqlıq, gənclik, artistlik fəaliyyətini görə biləcəklər.
Qeyd edək ki, UNESCO Polşa Parlamenti ilə birgə "2010-Şopen ili" layihəsinin həyata kesirilməsi təşəbbüsü ilə çıxış edib.