Ağır Cinayətlərə Dair İşlər üzrə Məhkəmədə Bakıda radikal dini qruplaşma yaradaraq terrorçu şəbəkə ilə əlaqədə və digər ağır cinayətlərdə ittiham olunan 31 nəfərdən ibarət mütəşəkkil dəstə üzvlərinin işi üzrə məhkəmə prosesi davam etdirilib. Bu barədə məlumatı "OLAYLAR"a məhkəmədən veriblər. Hakim Azər Orucovun sədrliyi ilə keçirilən məhkəmə prosesində şahidlər Mehman Əzizov, Mübariz Mövsümov, Əhliman Cəfərov və ditgərləri ifadə verib. Şahidlər bildiriblər ki, dəstə üzvü Mahir Abdullayevdə qumbara görüblər.  Təqşsirləndirilən şəxs Mahir Abdullayev isə şahidlərin ifadələrini təkzib edib və onların sifarişlə prosesə gətirildiyini bildirib. İş üzrə növbəti məhkəmə prosesi martın 16-a təyin edilib.
İttiham aktına görə, radikal qruplaşma "Bakı-Novorossiysk" neft kəmərini partlatmağa cəhd edib, "Meşə Qardaşları" dini qruplaşmasının rəhbəri Samir Mehdiyevi istintaqdan yayındırmaqda və digər ağır cinayətlərdə təqsirləndirilir.