“Qalatasaray”ın yeni transferləri Zvezdan Misimoviç və Emiliano İnsua senyatbrın 13-də “Qaziantepspor”la keçiriləcək qarşılaşmada ilk dəfə “Əli Sami Yen”ə çıxacaq.
 Zvezdan Misimoviç Bosniya-Hersoqovina mətbuatına açıqlamasında “Qalatasaray” tribunalarının qarşısına çıxacağı günü səbirsizliklə gözlədiyini bildirib. Azarkeşlər də “Qalatasaray”ın çoxdan gözlənilən transferlərinin oyununu izləməyə böyük maraq göstərirlər. Sentyabrın 13-də tribunaların dolacağı gözlənilir.Baş məşqçi Frank Raykaard Zvezdan Misimoviç və Emiliano İnsuaya əsas heyətdə yer verəcək. Bundan başqa, zədəsi üzündən uzun müddət formasından uzaq qalan Səbri Sarıoğlu da “Qaziantepspor”la qarşılaşmada meydana çıxacaq.
Yeri gəlmişkən, sentyabrın 13-ü həm də türk futbolunun əfsanələrindən olan Mətin Oktayın ölümünün 19-cu ildönümüdür. “Əli Sami Yen” tribunalarının “Tacsız kral”ı da yad edəcəyi gözlənilir. Azarkeşlər futbolçulara ismarışı olacaq: “Bu oyunu Mətin Oktay qazansın!”