Moldovanın Qaqauz Muxtar Vilayətində Türk Xalqları Konqresi keçirilib. Konqresdə Azərbaycan nümayəndə heyəti də iştirak edib. Azərbaycan nümayəndə heyətinin üzvü, millət vəkili Əkrəm Abdullayev "OLAYLAR"-a bildirib ki, konqres çərçivəsində insan hüquqları ilə bağlı seminarlar, regional münaqişələr və digər məsələlər müzakirə edilib: "Bundan başqa Qıpcaqın 219-cu illiyi ilə bağlı bayram tədbirləri keçirildi və Azərbaycan nümayəndə heyəti olaraq həmin bayram tədbirlərinə qatıldıq. Ümumilikdə, tədbirlərdə 15-ə yaxın ölkədən 80-ə yaxın nümayəndə iştirak edirdi". Əkrəm Abdullayev növbəti konqresin harada keçiriləcəyinin hələlik dəqiqləşmədiyini söyləyib: "Yəqin ki, gələn il konqresin harada keçiriləcəyi dəqiq bilinəcək".