Artıq bir neçə gündür ki, Yardımlı və Masallıda da un və un məhsullarının qiyməti bahalaşıb. Bu barədə sözügedən rayon sakinlərinin verdiyi məlumata görə, əslində bu rayonlarda unun qiyməti iki-üç ay əvvəl bahalaşıb. Belə ki, ölkədə minimum əməkhaqları və pensiyaların artırılacağı barədə məlumat yayılan vaxtdan bu rayonlarda unun qiyməti sünii şəkildə qaldırılıb. Lakin o vaxtlar 50 kiloqramlıq un kisəsinin qiyməti 1 manat qalxaraq 16-17 manata satılırdı. İndi isə həmin un kisəsi 18-19 manata təklif olunur.