1 nəfər öldü, 5 nəfər yaralandı

Bakıda 1 nəfərin ölümü və 5 nəfərin yaralanması ilə nəticələnən ağır yol nəqliyyat hadisəsi baş verib. Bu barədə məlumatı "OLAYLAR"a Daxili İşlər Nazirliyindən veriblər. Hadisə avqustun 16-da gecə saatlarında baş verib. Paytaxtın Xətai rayonu, Gəncə prospektində Xəyyam Azadovun idarə etdiyi "Mercedes"markalı avtomobillə Rüfət Mirzəyevin idarə etdiyi "VAZ 2107"markalı avtomobil toqquşub. Hadisə nəticəsində "VAZ 2107" nin sərnişini Nurlan Əmənov xəstəxanaya aparılarkən dünyasını dəyişib. Hadisə nəticəsində xəsarət alan hər iki sürücü və 3 sərnişin ağır vəziyyətdə xəstəxanaya yerləşdirilib.