Binanın zirzəmisindəki restoran yandı

Azərbaycan Dövlət Neft Akademiyasının Bakıdakı yataqxanasında yanğın olub. "OLAYLAR"ın məlumatına görə, bu barədə Fövqəladə Hallar Nazirliyinin rəsmi saytında məlumat verilib. Məlumata görə, hadisə avqustun 29-da qeydə alınıb. Həmin gün Bakının Nəsimi rayonu ərazisində, Azərbaycan Dövlət Neft Akademiyasının doqquzmərtəbəli yataqxanasında yanğın başlanıb. Yanğın yataqxananın zirzəmisindəki restoranda baş verib. Hadisə nəticəsində restoranın 40 kvadratmetri yanıb. Fövqəladə Hallar Nazirliyinin  yanğınsöndürənlərinin səyi nəticəsində yanğının qarşısı alınıb.